【Emily Online】任何仁冲出国际BBC都报道 引网民:消防形象够好可做疯狂事 (图)

发布 : 2018-11-09  来源 : 明报即时新闻网


用微信扫描二维码,分享至好友和朋友圈

加关注


明声网温哥华 微信公众号


消防处用嚟宣传急救信息、全身蓝色只著一条短裤嘅「任何仁」(Anyone),冲出国际喇!英国广播公司(BBC)喺当地时间星期四(8日)除咗报道,任何仁成功吸引网民疯传之外,连香港电台早两日引述消防内部消息话任何仁可能被「雪藏」,之后网民努力帮佢「求情」嘅情况都讲埋。BBC仲引用网民嘅评论话,消防处形象「好到可以做呢啲疯狂事(goodenoughtodothesesortofcrazythings)」呀。

虽然任何仁已经喺消防处facebook表明,自己唔系处方吉祥物,但BBC依然形容,佢系「由头到脚被蓝色莱卡纤维布包住」(cladinbluelycrafromheadtotoe)嘅「吉祥物」,话佢星期一(5日)喺消防处记者会现真身时,令会场内嘅传媒好惊讶。

不过BBC都唔系只报道任何仁嘅「花边新闻」,都有话畀读者知,佢其实系消防处用嚟提高公众对安全嘅关注。报道仲提到佢同罗兰姐一齐拍、教市民点样「左手,右手,直手摆喺心口」,嚟帮有需要嘅人做CPR嗰个《击活人心》MV,已经有成50万人睇过。

(BBC)